ວິເຄາະບານໂລກ 2022 ໂມລ໋ອກໂກ ພົບ ໂປຣຕຸເກສ (ຮອບ 8 ທີມ) Fifa world cup 2022

ໂມລ໋ອກໂກ vs ໂປຣຕຸເກສ

ໂມລ໋ອກໂກ vs ໂປຣຕຸເກດ ແມ່ນບານໂລກຮອບ 8 ທີມສຸດທ້າຍ ເຊິ່ງການແຂ່ງຂັນຂອງຄູ່ນິ້ແມ່ນຈະເລີ່ມຂຶ້ນໃນເວລາ 22:00ນ, ຂອງວັນທີ 10 ທັນວາ ຖ່າຍທອດສົດ

ໂມລ໋ອກໂກ ຜ່ານເຂົ້າສູ່ຮອບ 8 ທີມໂດຍການເອົາຊະນະ ສະເປນ ໃນການດວນຈຸດໂທດ ສ່ວນ ໂປຣຕຸເກສ ເຂົ້າຮອບມາໂດຍການຖະຫລົ່ມ ສະວິສເຊີຣແລນ 4-1 ດັ່ງນັ້ນໃນເກມນີ້ເລື່ອງຂອງສະພາບຄວາມຟິດທັບຝອຍທອງໜ້າຈະເໜືອກວ່າທີມຈາກ ແອັບຟຣິກາ ຢູ່ພໍສົມຄວນ

ເຖິງຢ່າງໃດກໍຕາມ ໂມລ໋ອກໂກຣ ຕອນນີ້ນັ້ນມີຄວາມໜັ້ນໃຈຢູ່ເຕັມປ່ຽມ ເພາະພວກເຂົາລົ້ມໄດ້ທັງ ເບວຢ່ຽມ ແລະ ສະເປນ ມາ ດັ່ງນັ້ນ ການມາເຈີກັບ ໂປຣຕຸເກສ ພວກເຂົາຄົງບໍ່ຕ້ອງກັງວົນຫຍັງມາກມາຍເຖິງເບິ່ງຈາກໂຕຜູ້ເລ່ນພວກເຂົາຈະເປັນຮອງກໍຕາມ

ເກມນີ້ຍັງບໍ່ສາມາດບອກຫຍັງລ່ວງໜ້າໄດ້ຫລາຍວ່າໃຜຈະເປັນຜູ້ຊະນະ ແລະ ມີໂອກາດສູງທີ່ເກມຈະຢືດຍາວໄປຮອດການດວນຈຸດໂທດເຊິ່ງທັງສອງທີມກໍເປັນທີມທີ່ມີສະຖິຕິການຍິງຈຸດໂທດທີ່ດີ ດັ່ງນັ້ນ ຫາກຝ່າຍໃດເຮັດໄດ້ດີກວ່າ ຄົມກ່ວາ ແລະ ແນ່ນອນວ່າກໍຄົງຈະເປັນຜູ້ຊະນະໃນເກມນີ້ ທາງດ້ານຄວາມພ້ອມຂອງ ໂມລ໋ອກໂກ ພວກເຂົາຄົງບໍ່ຈຳເປັນຕ້ອງປ່ຽນທີມຫລາຍຕຳແໜ່ງ ເພາະນັກເຕະຢ່າງ ຢາສຊີນ ບູໂນ່ ມືໂກທີ່ເປັນຮີ່ໂຣ່ໃນການດວນຈຸດໂທດ, ອັຊຣາຟ ຮາຄີນີ້, ນູສແຊ ມາຊາອຸຍ , ຮາຄິມ ຊີເຍກ, ແລະ ຢູເຊຟ ອ່ອງ–ເນໂຊຣີ່ກໍຄົງຈະພ້ອມລົງສະໜາມດ້ວຍກັນທັງໝົດ ສ່ວນຝັ່ງຂອງ ໂປຣຕຸເກສ ເຖິງວ່າຈະບໍ່ໄດ້ໃຊ້ງານ ຄຣິດຕ່ຽນໂນ່ ໂຣນັລໂດ້ ເປັນໂຕຈິໃນເກມລ່າສຸດ ແຕ່ພວກເຂົາກໍຍັງຖະລົ່ມທີມຈາກແດນນາລິກາໄປໄດ້ ເຊິ່ງຄາດວ່າເກມນີ້ສະຕາຣດັງຊາວ ໂປຕຸກຣີດໂວ 37ປີ ກໍຄົງຈະນັ່ງໃນມ້ານັ່ງສຳຮອງເໝືອນເດີມ ແລະ ຜູ້ຫລິ້ນຢ່າງ ແບຣ່ນາໂດ ຊິວວາ, ບຣູໂນ່ ແຟຣນັລເດສ, ເຈົາ ເຟຣິກ ແລະ ກອນຊາໂຣ່ ຣາມອສ , ແຮັດທຣິກຮີ່ໂຣ່ຈາກເກມກ່ອນໜ້າຈະໄດ້ລົງຫລິ້ນໃນສະໜາມກັນຢ່າງພ້ອມພຽງ